සිරි බුද්ධගයා විහාරේ -රුක්මණි දේවි සහ එච්.ඩබ්.රූපසිංහ

දවසෙ සුභාවිත ගීතය...
~ඉදිරිපත් කිරීම ලකිඳු අෂාන් පීරිස්~

අපේ මෙම වෙබ් සඟරාවෙ එක් අරමුණක් තමයි ශ්‍රි ලාංකේය සුභාවිත ගීතයෙ ප්‍රගමනයට දායක වු අප අතරින් නැසි ගිය කලාකරුවන් සිහි කැදවීම.ඒ අරමුණ ඔස්සේ අද මම ඉදිරිපත් කරන්නෙ අදින් හරියටම වසර 33කට පෙර එනම් 1977 .ඔක්.28 මෙලොවින් තුරන් වු සිංහල සිනමාවෙ නටන්න,ගයන්න සහ රඟන්න 3ටම දක්ෂ සිංහල සින්මාවෙ නිළි රැජින රුක්මණි දෙවිය ගැයු ගීතයක්.මෙය ගායනා වි ඇත්තෙ 1937 දී එච්.එම්.වී තැටියකට.මෙය ඇයගෙ පලමු ගීතය වන අතර ඇය මෙය ගායනා කර ඇත්තෙ වයස 13දී.

සිරි බුද්ධගයා විහාරේ වදිනෙමු මොක්ෂ පතලා//
ශාක්‍ය තිලෝනා වැඩ සිටි එදිනා
මරංගනන් පරදාලා

ශ්‍රී මහා බෝධි ලෙස සැදි ඒ විදු රජු ඒ මුනි රාජා//

ආ දස බිම්බර මාර සේනා පෙරුම් බලින් පරදාලා

ප්‍රාතිහාර්ය පැ දස බලධාරි
ජයබිම මේ විසාලා
ශාසන ආලෙ ඇති ලෝ වාසි
බව දුක නසනා සේ

වදිනේ ශ්‍රි මෝක්ෂ පතාලා

ගායනය-රුක්මණි දේවි සහ එච්.ඩබ්.රූපසිංහ
තනුව-එච්.ඩබ්.රූපසිංහ

මෙම ගීතය රචකයා නිශ්චිත නැ.නමුත් බොහො දුරට සී.වීරසේකරගෙ බව නිගමනය කල හැකියි.
40,50 දශකයේ රචනා සියලුම බුදු ගුන ගීත වල යම කිසි ආවේණික ලක්ෂණයක් දකින්න පුලුවන්.එය තමයි එම සැම ගීතයකටම වස්තු විෂය වන්නෙ බුදු රදුන්ගෙ මහ බල මහිමය.
නමුත් එය 60,70 දශකය වෙන විට මෙම ආකෘතිය වෙනස් වෙනවා.එය මම පසු දිනෙක නිදසුන් සමඟ දක්වන්නම්.